وحد المرة كانت وحد البنت صغيرة مع خالتها و من بعد شافت فيها و قالت لها خالتي ياك انت ما تقرصينيش قالت لها لالا و علاش قالت لها البنت لانو يما قالت لي خالتك عقرب
قالك واحد شرى لوطو أونقلاز (anglaise) ، خرج بيها وحد النهار طالع لوهران...حبس عند باراج....شافيه gendarme وقالو فوت...apres دار لصاحبه قالو : واقيلا رانا قالبين الباراج..
قالك واحد الراجل بخيل بخيل خلاص سما ولدو مليون وعلاه باش كي يكبر يولي ميات مليون
وحدة النمالة ملفوق كحلة ومن التحت بيضة وعلاه لابسة بمبرز
قالك واحد القطة دخلت للكوزينة وعلاه لقات الباب محلول
قال واحد الارنب يوكل غير البانان وعلاه على خاطر جا بالبسبور تاع قرد
قالك وحدة النمالة ركبت لورا وعلاه على خاطر ما لقاتش بلاصة من القدام
قالك مسمار حب يدير الريجيم ولى بينازة؟؟؟؟
قالك واحد الكلاسة يديرو الطوايش بزاف؟؟؟؟؟؟ جى المدير سقساهم بالواحد؟ الأول؟ لأنت واش درت؟: قالو انا عميت صاحبي بالمدور الكومبا. والثاني أنت واش درت؟: قالو انا ضربت الشيخة؟ والثالث أنت واش درت؟ قالو أنا رميت كويغطة من التاقة.....قالو المدير أنت اقعد انت عاقل رميت غير كويغطة. كي كان هابط المدير صاب تلميذ ميت مدقدق قالهم :شكون هذا؟؟؟؟؟؟قالولو كويغطة عبد القادر
قالك وحد لعجوزة تجري مور زوج قرلوات كبار علاش؟؟؟؟؟؟؟؟؟؟ دارت في بالها زوج حبات تمر
قالك واحد الراجل كلما يدوش يحط دودة فوق راسوا علاش؟؟؟ مكتوب على الشامبو: ضعه لثواني معدودة
قالك واحد لعجوزة عندها حدبة دفنوها في دودانة
قالك دودة حبت تتكسل تقطعت
مره واحد راح للطبيب باش يخدملو فم صقصاه على السومة قالو الضرسة 50 دينار والناب 10 دينار قالو مالا ديرهوملي كامل نيبان
قالك واحد معسكري راح للبحر لقي ليوناردو ديكابريو قالو واش يا روج مازلت ماشهمتش
قالك واحد معسكري ماجاهش النعاس رقد و خلاه
مرة معسكري فات على راعي قالو اذا قلتلك قداه نخروف عندك اخد واحد قالو الراعي موافق قالو المعسكري عندك 20 خروف قالو الراعي صحيح هاك واحد ..ثم قالو الراعي واذا قلت لك من اي بلاصا انتا ترجع لي الخروف قالو موافق قالو انت من معسكر فقال نعم بصح كيفاه عرفت قالو الراعي لانك اخدت الكلب في بلاصة الخروف
قالك مرة واحد وهراني مع صاحبو المعسكري دخلو لوحد القهوة نطق الوهراني قالو اعطيني وحدا اورونجينا ومبعد نطق المعسكري قالة انا اعطيني معسكرجينا
قالك مرة وحد الراجل متزوج زوج نسا وحدة من وهران وحدة معسكرية وهوما ماشيين طريق طاحتلو السيارة اونبان. نزلت الوهرانية وقالتلو شوف بالاك لابوجي بالاك الموتور بلاك...بالاك..بالاك...قالت المعسكرية كيفاه الوهرانية خيرمني زعما تفهم في كلش راحت للراجل وقالتو ..يا راجل شوف شوف بالاك نسيت البرمي علابيها طاحة اومبان
قالك شاذلي كره من كثرة النكت اللي خرجت عليه. لم قع النكت و دارهم في كتاب و رماه في البحر. زاد شوية خرج حوت ميت بالضحك
مرة معسكري مع يماه. قالتلو نروحو لوهران. قالها بصح ناس وهران مايحبوناش و يتمسخروا بينا. قالتلو معليش النهار الاول يتمسخرو. و النهار الثاني ينساو شوية. و النهار الثالث ينساو قع. قالها امالا نروحو النهار الثالث.
قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا اعطيني كاس شاي شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير الشاي
في مرة واحد معسكري حب يخطب واحدة وهرانية ردوا عليه اهلها مازالت تقرا فرجع اليهم على الساعة 5 مساءا وقالهم خلصت القراية
واحد جزائري سلف كتاب من عند قاوري كي فتحو باه يقراه لقا فيه ورقة تاع 50 اورو مبعد ساعتين رجعهولو قالو ايــــــــو قريتو بعد قالو كملت ماكانش الجزء التاني
واحد صحفي ازوج مع صحفية جابو طفل سماوه ( خبر عاجل )
زوج بشرطية كي زاد عندهم طفل سماوه بروسي
قالك واحد زاد عندو ولد فيه شعرة واحدة في رأسه سماه محيرقة
واحد طلع في الكار وكان لا بس سباط تع 3000 الف وحد العجوزة عفست عليه قاللها الحاجة نحي رجليك راكي معفسة على 3000 الف قاتلو: وين راهم. طاحولي ليا
وحد المعلم سقسا وحد التلميذ قالو أعطيني شيء يتمدد بالحرارة ويتقلص بالبرودة التلميذ قالو: العطلة يا أستاذ. في الشتاء 15 يوم وفي الصيف 3 أشهر